Tuesday, November 10, 2020

Few poems

The water lily 

 When I look at the water lily 
She asks me to look at the pond 
I keep staring at her... 
She is that beautiful 
 08/07/2020 

 A wink 

 Even the gloomy tranquil mountain,
 the paragon of stillness 
was stunned 
when a petal fell off a mountain rose 
 29/07/2020 

To Listen to it's untold stories of centuries,
I became silent, 
silent than the dark mountain.....
 23/09/2020 

Wednesday, September 30, 2020

The paper boat

 




knowing impermanent
knowing not worthy
but the paper boat floats
as far as it can

rain is merciless wind is uncaring but the paper boat floats as far as it can
It's paper can be torn, or swamped by the rain but the paper boat floats as far as it can
Anushka
30/09/2020

Saturday, March 28, 2020

අපේ ගෙදරට ශෝටීස් ගෙනාවම වෙන දේ..



ඔය කොහේ ගියත් ශෝටීස් (හරි හරි ශෝට් ඊට්ස් තමයි ) කෑමේ ආසාවක් මට ඇත. නමුත්  බිරිඳ සලකන්නේ ශෝටීස් කෑම සරීරයට මහත්වූ අනතුරක් ගෙනෙන මහ පාපතර ක්‍රියාවක් ලෙසය. උදරාබාධ, හර්ද රෝග, මූලරෝග, කටී වාතය, හංදි රෝග, කක්කල් කැස්ස, පාචනය, කොලරාව, ඩෙංගු, සාස්, ඉබෝලා, කොරෝනා ඇතුලු අටනූවක් රෝග වලට හේතුව ශෝටීස් බව විශ්වාස කරන ඇය නිවසේ සිටින විට මට ශෝටීස් කිහිපයක් කෑමටනම්  බේකරියක බැනුම් ඇසීමට සිදු වෙයි. නමුත් බඩජහරිකම මරණබියටත් වඩා ලොකු වූ විට මම අහුවෙන තැනකින් ශෝටීස් ගෙන එමි.

චිකන් රොටි , මාලු රොටි, රොල්ස් වඩේ කිහිපයක් ගෙන මම නිවසට එමි. ඉන්පසුව ඇතිවෙන තත්වය මෙසේය.

බිරිඳ: මේ මොනාද මේ?

මම: ඔය මේ ශෝටීස් ටිකක්..හැමදාම කන්නෙ නෑනෙ..අද විතරයි.

බිරිඳ: කොච්චර කිව්වත් අහන්නෙ නෑ. හදාගන්නවකො ඉතින් හාට් ඇටෑකුයි තවතියෙන ජාති සේරම. කොහෙන් හරි උස්සගෙන එනව ඉතින්..මේ පොඩිදරුවත් නරක්කරනව මෙව පුරුදු කරල.

මම: හැමදාම කෑවොත් තමයි ලෙඩ වෙන්නෙ. ඉඳල හිටල කෑවට මුකුත් වෙන්නෑ.

ශෝටීස් වැනි අනර්ඝ කෑමක් ඇති දිනක එය ආවට ගියාට ගිල දමන පුරුද්දක් මට නැත. හොඳින් නාකියාගෙන පේ වී ඉතාම නිස්පාසුවේ එය භුක්තිවිඳීම මාගේ පුරුද්දයි. එය ශෝටීස් වලට දක්වන ගෞරවයකි.

නාන ගමන්ද ඉන්පසු කුස්සියට එන ගමන්ද මම කල්පනාකරන්නේ එක දෙයකි.
"ඉස්සෙල්ල චිකන් රොටිය කාල ඊටපස්සෙ මාලු රොටිය කනවද? නැත්තං ඉස්සෙල්ල රෝල්ස් එක කාල පස්සෙ මාළු රොටිය කනවද? චිකන් රොටිය හෙට කන්න තියා ගන්නවද? දැන් චිකන් රොටිය කාල හවසට වඩේ එක කනවද? අද කෑවෙ නැත්තං නරක් වෙයිද? " ඔන්න ඔයාකාරයේ ගැටළු රැසක් සිතමින් මම කුස්සියට එමි.

මේසය මත ශෝටීස් මල්ල ඇත. නමුත් මොකද්දෝ වෙනසක් තිබේ.

මම: කෝ යකෝ මේකෙ තිබ්බ චිකන් රොටිය? බිම වැටිලද?

බිරිඳ: චිකන් රොටිය ඉතින් මං කෑව? ඇයි? (බිරිඳගේ අතේ චිකන් රොටි කෑල්ලක් ඉතිරිව ඇත. අග්‍ර කොටස ගිල දමා ඇත )

මම: හා ..කමක් නෑ..මම මාළු රොටිය කන්නම්..

බිරිඳ: මාළු රොටිය අම්මට තියන්න. එයා වැඩිය චිකන් කන්නෙ නෑනෙ.

මම: හා ඉතින්. මම රෝල්ස් එක කන්නම්.

බිරිඳ: රෝල්ස් එක පුතාට දුන්න. මේ ළමය ඊයෙත් මුකුත් හරියට කෑවෙ නෑ. ඒකවත් කයිද බලමු.

මම: එතකොට මට?

බිරිඳ: ඔය තව මොනාද තිබ්බෙ!

වඩේ එක ඉතිරිව තිබේ.

හය්යෝ ඉතින් අපරාදෙ මම නෑවෙ!.

Saturday, March 21, 2020

සුළඟද අහසද හැර දමමි



දස අත මරබියෙන්
තැති ගත් මිනිස්සු
ලෝකයම තිබුනද
නිවසේ කොටු වූ මිනිස්සු
හෙට දිනය කෙබඳුදැයි
සිතන්නට බිය මිනිස්සු

ඉතින් මදකට ඔබව හැර යමි..
පෙර වූ සොඳුරු බව ඔබගේ නොදකිමි..
මිනිසුන් සිනා සෙන කල
යළි ඔබ ගැන ලියමි...

Friday, February 7, 2020

සුන්දරම මතකය



අයිසෙ බලනවා..මගෙ මේ අත කෙලින් බලනවා..මොකද්ද පේන්නෙ!.. මන්දිරය..මොන මන්දිරයද..විලියම්ස් මන්දිරය...බාගෙට ගරා වැටිච්ච විලියම්ස් මන්දිරය...තමුසෙට කියන්න මට නියම කතාවක් තියෙනව...අහගන්නවකො.. මේක සිද්ධවුනේ ඔය මන්දිරේ මුලයිතිකාරය ටෙඩ් විලියම්ස්ගෙ කාලෙ..මට එතකොට අවුරුදු දහයක් දොළහක් ඇති.. මතකනෙ ටෙඩ් විලියම්ස් ?..ලෝකප්‍රකට බේස්බෝල් කාරය..ඔය ඉතින් තියෙන්නෙ එයාගෙ මන්දිරය...

අපිට ටෙඩ් විලියම්ස්ව මතකනෑ.. හැබැයි එයාගෙ පුතා ඔය දැන් බංකොලොත් වෙලා ඉන්න විලියම්ස් ජුනියර්ව නම් දන්නව..අපිට ඔහේතරම් වයස නෑ නෙ..

ඇත්තනෙ. තමුසෙල ඔක්කොම පස්සෙනෙ  මේ පලාතට ආවෙ..

ඉතින් කියනවකෝ..මොකද්ද ටෙඩ් විල්ලියම්ස් ගෙ කාලෙ උනෙ..

තමුසෙල පිළිගන්නවද එයා මං එක්ක බේස්බෝල් ගැහුව කියල...?

පුහ්..ඒක නම් කෙප්පයක්..තමුසෙයි මායි ගහපු බේස් බෝල්..අනික මං දන්න විදිහට ඔය විලියම්ස් ලා හෙන උද්දච්ඡ මිනිස්සු. උඩඟුයි. මේඅපි වගේ මිනිස්සු එක්ක බේස්බෝල් ගහනව තියා කතාකරන්නෙ වත් නෑ. ඉතින් තමුසෙ කියනව බේස් බෝල් ගැහුවලු!. කොහොමද පිළිගන්නෙ..කමක් නෑ කතාව කියනවකො..මංඅහගෙනඉන්නම්.

ඒක වුනේ මෙහෙමයි. මං පුංචිකාලෙදි පුදුම ආසාවකින් උන්නෙ ඔය විලියම්ස් මන්දිරේ ඇතුලට යන්න. අඩුම ගානෙ අර මහ විශාල වත්ත අස්සට වත්. ඒත් වටේම වැටවල් තාප්ප..මං වෙලාවක් එනකල් බලන් උන්නෙ. ඉතින් විශ්වාස කරනවකො! දවසක් මගෙ වාසනාව පෑදුන..තමුසෙ අහගෙනද ඉන්නෙ? මං දැක්ක දවසක් ඔය විලියම්ස් මන්දිරේ වැටේ එක තැනක ලීයක් කැඩිලතියෙනව. මම ගිහින් මුරකාරයට කිව්ව...වැටේ ලීයක් කැඩිල මං කැමතියි නොමිලේම ඒක හදල දෙන්න කියල. මුරකාරය මාව පන්න ගන්න හැදුවෙ!. බලනවකො අයිසෙ වෙලාව කියන්නෙ එතකොටම එතන්ට ආවනෙ ටෙඩ්..ඔව්..ටෙඩ් විලියම්ස් එතනට ආව. මේ තමුසෙ අහගෙන නේද ඉන්නෙ ?

ඔව් ඔව් ඉතින් කියනවකො!.

විලියම්ස් මගෙන් ඇහුව ඇත්තටම නොමිලේමද හදන්නෙ.. වැඩ ඔය ළමයට පුලුවන්ද කියල..මට අදහගන්නත් බෑ අයිසෙ..ටෙඩ් විලියම්ස් මා එක්ක කතා කලා..

ඉතින් ඉතින්..

මං ගත්කටටම  පුලුවන් ..මගෙ සීය හොඳින් මට වැඩ උගන්නල තියෙන්නෙ කිව්ව.. මෙන්න අයිසෙ ටෙඩ් විලියම්ස් මට ගේට්ටුව ඇරල වත්ත ඇතුළට එන්න කිව්ව..

අදහන්න බෑ අයිසෙ..ඔය ටෙඩ් විලියම්ස් කවදාවත් මේ ගමේ මිනිහෙක් එක්ක කතා බස් කලා කියල මංහිතන්නෑ. තමුසෙ ඇත්තමද ඔය කියන්නෙ?

ඇත්ත තමයි අයිසෙ...මං ගිහින් වැටේ ලීය බොහොම හොඳට හදල දුන්න. වැඩේඉවර වෙනකොට ටෙඩ් විලියම්ස් එතන. මගෙන් ඇහුව මොනාද ඕනෙ කියල! මංකිව්ව..ඔයා බේස් බෝලෙකට ගහනව බලන්න ආසයි කියල.....අහනවකො..එතන එයාගෙ ලස්සන නෝනත් හිටිය...මගෙත් එක්ක හිනා උනහැටි මට අද වගේ මතකයි..

කෙප්ප,,මේ නම් අමූලික කෙප්ප..ඔය කියන ගෑනිත් හෙන ආඩම්බරකාර ගෑණියෙක්..එහෙමයි මං අහල තියෙන්නෙ!

නෑ අයිසෙ..තමුසෙ පිළිගන්නවකො..ටෙඩ් විලියම්ස් බේස්බෝල් පිත්තයි බෝලෙයි අරං ආව..මට කිව්ව පුලුවන් විදිහකට බෝලෙ දාන්න කියල. මාත් ඉතින් දන්න විදිහට බෝලෙ විසි කලා මිනිහගෙ දිහාට..ටෙඩ් විලියම්ස් දුන්නනෙ මරු පාරක්..කියල වැඩක් නෑ අයිසෙ..මට අදවගේ මතකයි..අම්මෝ බෝලෙ ගිය දුර..පුදුම ලස්සන බලගතු පහරක් අයිසෙ ඒක.. තමුසෙ හිතා ගන්නවකො ඉතින්.. විලියම්ස් නෝන අත්පුඩි ගැහුව මට අද වගේ මතකයි..

දැන් එතකොට තමුසෙ ටෙඩ් විලියම්ස් එක්ක බේස්බෝල් ගැහුව! විලියම්ස් ගෑණි එතන බලාගෙන හිටිය. තව අප්පුඩිත් ගැහුව..මරු කතාව අයිසෙ..මරේ මරු..

ඔව්. තමුසෙට මාව විශ්වාස නෑ..කමක් නෑ අයිසෙ. සිද්ධිය මම මතක් නොකරපු දවසක් නෑ.. මේජීවිත කාලෙම. ඒක පුදුම අත්දැකීමක් අයිසෙ. පුදුම මතකයක්. මං හිතන්නෑ මැරුනත් මට ඒක අමතක වෙයි කියල. ලෝකප්‍රකට ශ්‍රේෂ්ඨ ටෙඩ් විලියම්ස් මගෙත් එක්ක..මේ පොඩි වඩු බාස් කොල්ලත් එක්ක බේස්බෝල් ගැහුව..ඔව්.ඉතින් තමයි මගෙ සුන්දරම මතකය.  තමුසෙට ඉතින් විහිළු !.

බලනව. විලියම්ස් මන්දිරය ගරා වැටිල. හරියට මේ මං වගේ..ඒත් ඒත්..අර මතකය..ඒක තාමත් ඒවගේමයි  අයිසෙ.මං අදත් ඔනැම වෙලාවක මතකය ඇදල ගන්නව

ටෙඩ් විලියම්ස් මගෙත් එක්ක බේස්බෝල් ගැහුව අයිසෙ. තමුසෙල පිළිගත්තත් නැතත්.

Saturday, January 4, 2020

චිත්‍රපට ප්‍රේක්ෂකයන් වර්ග ....




චිත්‍රපට නැරඹීම ලොකු කුඩා බොහෝ දෙනෙකුගේ විනෝදාංශයක් බව අවිවාදිතය. මේ කියන්නට යන්නේ චිත්‍රපට නරඹන ප්‍රේක්ෂකයන් වර්ග ගණනාවක් ගැනය.
විචාරකයෝ..

මොවුන්ට කිසිම චිත්‍රපටයක් හොඳ නැත. බලන්නට ගත්ත වෙලේ සිට එහි අඩුපාඩු පෙන්වති. කැමරාකරණයේ අඩුපාඩු, පසුතල වල නළු නිළියන්ගේ මේකප්වල ඇඳුම් ආයිත්තම් වල අඩුපාඩු සියල්ලම පෙනෙයි. මේ චිත්‍රපටය මීට වඩා හොඳින් කල හැකි ආකාරය ගැන ගෙදර සිට උපදෙස් දෙති.

බඩජහරියෝ..
මොවුන්ට මොනවා හෝ කන්නට නැතිව චිත්‍රපට බැලීමට නොහැකචිත්‍රපටය පටන් ගත්ත තැන සිට හපන්නට යමක් අවශ්යයචිත්‍රපටය අතරමග තාවකාලිකව නවතා (pause )කන්නට යමක ගෙන එන්නට යති. ඔවුහු එනතෙක් අන් අයට චිත්‍රපටය බැලීම තහනම්ය. මහ රෑ වුව පාරට ගොස් වඩේ, එලවලු රොටි ආදිය රැගෙන එති.

නළුවාගේ/නිළියගේ යහළුවෝ සහ නෑයෝ..
චිත්‍රපටය ආරම්භ වේ." අම්ම..විජේ අය්ය...! කාලෙකට පස්සෙ..".. ධර්මෙ මල්ලිද ඉන්නෙ? ඕකගෙ මගුල්ගෙදරත් ගියානෙ අපි".."ආනේ කාන්ති නංගි ඉන්න ෆිල්ම් එකද? අපෝ කාලෙ කෙට්ටු ඕකිගෙ!" යනාදී වශයෙන් ආරම්භ වන නෑකම් විස්තරය මහ කරච්චලයක් වගේම චිත්‍රපට බලන අන් අයට මහා වධයක් වෙයි. එක්කෝ නළුවා, නිළිය තමන් ගේ යාළුවෙකි. " වික්ක..අම්මෝ ඕකගෙ කලු කාලෙ! මගෙ පංතියෙනෙ.! " “මේ මෙන්න සුභා ඉන්න ෆිල්ම් එක! ඔයාට මතකද මගෙ ක්ලාස්මේට්. මගෙ එහා පැත්තෙ ඉඳගෙන හිටියෙ. අපෝ ඕකිගෙ හෙන නැටිල්ල කාලෙත්!". අය්යෝ ඉතින් චිත්‍රපටය බලන අස්සේ මේ විස්තරයද අසන්නට සිදු වෙයි.

විශේෂඥයෝ

මොවුන්ගේ විශේෂඥ දැනුම පුදුම එළවන සුළුය. යුධ චිත්‍රපටයක් නරඹනවා යැයි සිතමු. "ඔය වෙපන් එක තමයි කාලෙ හොඳම එක". ඔය ටෑන්ක් එකට ගහන්න බෑ මොකාටවත්". ඔය තමයි ෆාස්ටස්ට් ප්ලේන් එක. " දන්නවද වයර් එක එහෙම කැපුවෙ ඇයි කියල?නැත්තම් පුපුරනවා". ඔය ගන් එකේ එකපාරට හතරයි බුලට්ස් දාන්න පුලුවන්". හය්යෝ හෙනබොරු. ඔය කාර් එකට ඔච්චර ස්පීඩ් එකෙන් යන්න බෑ. ගිහින් ඔහොම වංගුගන්න බෑ. ඔය කාලෙ ඔහොම කඩු තිබ්බෙ නෑ. අනේ ඔච්චර උඩ ඉඳන් මිනිහෙක්ට පනින්න පුලුවන්ද?"  මෙයාදී වශයෙන් ඔවුන්ගේ විශේෂඥ දැනුම චිත්‍රපට බලනතාක් අන් අයට නොමිලේ බෙදා දෙනු ඇත..

ඕපේ..
 නළු නිළියන්ගේ සියලු ඕපදූප මොවුහු දනිති. "ඔය නළුවනෙ අර ගැනිත් එක්ක යාළු වෙලා ඉන්නෙ!. මෙයා ඉන්නෙ ගම්පහ. ඔයාගෙ තාත්ත හෙන බිස්නස්මන්. ඔය මිනිහනෙ අර කුඩු කේස් එකට අහු උනේ".  ඕකිට ළමයි හතරක් ඉන්නව. තව එකෙක් ලැබෙන්න ඉන්නව. මගෙ යාළුවෙක් ඉන්නව මෙයාගෙ ගෙවල් ළඟ. අපෝ මෙයාගෙ හෙන ඔළුව ලු ". නළු නිළියන්ගේ අහළපහළ උදවිය ගැනද මොවුහු ඇතැඹුලක් සේ දනිති.

සංවේදී මිනිස්සු..

හැඟීම්බර දර්ශන නැරඹීම මොවුන්ට ඉතා අසීරුය. දෑසින් කඳුලු ගලයි. ඉකිබිඳිති. මුහුණු දික්වෙයි.තත්වය දරුණු වුනොත් කෑම බීම පවා එපා වෙයි. දුෂ්ඨයාට කුණුහරුපෙනුත් බනිති. "අනේ අර බලපං.. පව් බං.! ,මුගෙ අම්මට..ඇයි බං එහෙම කරන්නෙ මිනිස්සුන්ට ." මෙයාදී වශයෙන් සංවේදී වන මොවුන්ට උන්හිටිතැන් මතක් වන්නේ සමහරවිට  ගෙදර සිටින වෙන ප්‍රේක්ෂකයෙක් ගෙන් බැනුමක් අසා ගත්විටය. ටයිටැනික් චිත්‍රපටය බලා ඇඬූ , ඉකිබිඳි සුවහසක් ප්රේක්ෂක ජනතාව ඒකාලෙ මට බහුලව හමුවිය. අකේලේ හම් අකේලේ තුම් ගීතයට තමන් ගේ කුඩා දරුවා බදාගෙන හැඬූ අය ගැන මම අසා ඇත්තෙමි.  එක් අතකට සංවේදී ප්‍රේක්ෂකයන්ට  වරදක් කිවනොහැකිය. සංවේදී මිනිස්සු ඇත්තටම සුන්දරය.

නමුත් සංවේදී කම හරහට හිටින්නේ හොල්මන් කතාවක් බලන විටය. තිරයේ භූතයා මතුවීමට ආසන්න වනවිට හිමින් ඇස් පියා ගන්නා, එහෙත් නැතිනම් පොතක් වැනි දෙයක් සොයාගෙන එක වරම කියවන ප්‍රේක්ෂකයෝ දෙදෙනෙක් ඉස්සර අපේ ගෙදර සිටියහ.

ඉන් නොනැවතී තිරයේ චරිත වලට උපදෙස් දීමට ඉදිරිපත්වන තරමටම මේ සංවේදීකම දරුණු වේ. "අපරාදෙ ඔය ගෑණිට තියෙන්නෙ ඔයමිනිහගෙන් ඩිවෝස් වෙන්න. ඔහොම මිනිහෙක් එක්ක ඉන්න පුලුවනැයි !. අනේ ඔහොම ගොන් මිනිස්සු ඉන්නවද? මනුස්සයෙක් පස්සෙන් එනව ඔච්චරම දැනෙන්නෙ නෑද්ද? මිනිහට අහුවෙන්නම වගේ  ඒ ගෑනිත් මොකද ළඟින් දුවන්නෙ! දුවපං කො ගෑණියේ ඉක්කන්ට..බම්බු ගහනවද මංද!. යනාදී වශයෙන් චිත්‍රපට චරිතවලට උපදෙස් දෙති.

ලැජ්ජ බය ඇතිව හැදුනු ප්‍රේක්ෂකයෝ

මොවුන්
අඳුනා ගැනීම ඉතා පහසුය. සිප වැළඳ ගැනීමේ දර්ශනයක් යනවිට මොවුහු බිම බලාගනිති. බැරි වෙලාවත් ඇඩම්ස් ඔන්ලි දර්ශනයක් යන්නේ නම් තත්වය දරුණුවෙයි. හොරෙන් අනෙකාගේ මුහුණ දෙස බලති. බලා ඇතැම්විට අනෙකාට තදවී "මොකද යකෝ මගෙ දිහා බලන්නෙ?" යනුවෙන් බැනුම් අසා ගනිති. ඇතැම්විට චැනල් එක එකපාරම මාරු වෙයි. තත්වය ඉවසාගත නොහැකිනම් නැගිට ඉවත්ව යති. ඇතැම්විට වෙලාවේම හදිසි දුරකථන ඇමතුමක් ලැබේ. නැත්නම් -මේල් එකක් බැලීමට තිබේ.

මෙයාදී වශයෙන් චිත්‍රපට ප්‍රේක්ෂකයෝ වර්ග ගණනාවක් වෙති. ඇතැම්විට එකම පුද්ගලයා තුල මේ සියලුම ආකාරයේ ලක්ෂණ පවතී.කෙසේ නමුත් පිරිසක් සමග චිත්‍රපට බැලීමේද අමුතුම ගැම්මක් තිබේ. එබැවින් මොනතරම් කරදරයක් වුවද පිරිසක් සමග චිත්‍රපටයක් බැලීමට ඉඩ ලැබේනම්  මම එය මග නොහරිමි.