![](https://blogger.googleusercontent.com/img/b/R29vZ2xl/AVvXsEiDDi5SG9S7RDzy8MAl8O7jcEW352ksUdQ1YzA-Y_5f-LeFXkpbEY1Eow0SGyGIno4W4t3rAKplns-rpJjs_cAZJlP5k0mQVKA6B3kMmwsFOCb3VJeCpQ449KgHjwhmaJHddjoGKxuUPr9o/s320/Maha-gedara.jpg)
කොම්පැණි දෙක තුනක
මහපුටුව දරාසිට
දුවගේ පෙම්වතාට ගේම ප්ලෑන් කර
සැප රියෙන් ගෙදර එන තාත්තා නොව
හෙට දවසෙ බර හිසින් දරා
බස් රියේ තෙරපී හෙම්බත්ව ගෙදර එන තාත්තාය
ගේදොර කටයුතු කිසිවක් නැතිව
දවසම හතරවටේ ගෝරි දාගන්න
අවුරුදු 10 න් විවාහ වුනු අම්මා නොව
උදේ හිට රෑ වෙනතුරුම
ලිග් ගල් වළං මැද ජීවිතය දිය කරන
වයසට වඩා වයස ගිය අම්මාය
එයාද මෙයාද ගෙදරින් කියන අරයද
සියළුම කටයුතු නවතා දවසේම හිතන
අය්යවත් අක්කවත් නැත
උපාධියට ජීවිතය බොඳවුනු
වට රවුමේ ඉතිරි කාලය ගෙවන
අය්යලාය අක්කලාය
දැන් දැන් සමහර පොඩි එවුන්
රාත්රියේ නින්දට පෙර
දසමාසේ උද්දිකාරෝ කියන්නෙත් හොරටලු