Monday, August 10, 2009

බැනුම් අහන කවියා

මහ සභාවක් මුල්ලේ හිඳ ගෙන
මඳ සිනහවක් මුව රඳවාගෙන
වේදිකාවේ පඬුවන් ගෙන්
බැනුම් අහන කවියා නුඹ

මල් පොකුරෙද තුරු වදුලෙද
හිරු සඳු තරු වලා පෙළෙ ද
ආදරයක්..දිව්‍යමය ආදරයක් සඟවා විත්
බැනුම් අහන කවියා නුඹ

”මෙච්චර ලෝකෙට ප‍්‍රශ්න තියෙද්දිත්,
කිසි සමාජ වගකීමක් නැති
අනේ මුං ලියන කවි ” යැයි
හිනැහෙමින් බැනුම් අහන කවියා නුඹ

”ගහපියව් මරපියව් ඕකුන්ට
අන්න බලව් අපේ කෙරුම්,
අනේ තොපෙ මල් පොහොට්ටුවෙ විප්ලවේ” යැයි
බිම බලාගෙන මඳ සිනාවෙන් ඉවසා
බැනුම් අහන කවියා නුඹ

ගරු සභාවෙන් එළියටවිත්
හඳුනන්නන් අතර හුදෙකලා වී
පෝළිමේ ගොස් තේ බොන
එතනත් ටිකක් බැනුම් අහන කවියා නුඹ

ගෙදර යාමට බස් නැවතුමට විත්
තරු කැට මත දෑස් රඳවාගෙන
තවත් කවියකට රන් සුණු සොයන
ටිකකට කලින් මහ සභාවෙන්
බැනුම් අහපු කවියා නුඹ

අනුෂ්ක තිලකරත්න
08/08/2009


2 comments:

බිඟූ said...

එලනේ මස්සිනා

/නිශාන්ත
http://bingunada.blogspot.com/

Unknown said...

Good