Sunday, November 10, 2019

සීවලී රූපය


වරදින්නේ නෑ වේලක් ගෙදරකට
සීවලී රූපයක් තියෙනකොට
අත්තම්මා කියනකොට එහෙම
සතුටු හිතුනා අපිට

වේලක් දෙවේලක් මගහැරෙන කොට
ඉබේ බැලෙනවා සීවලී රූපය දිහා
මුකුත් නොකියා එතකොට
මල්ලියි මායි ඉන්නවා බිම බලාගෙන

උඹලාගේ කුස ගින්න නිවන්න
අපේ උතුමට සහය දෙන්න
පාට පාටින් ඇඳගත්ත
මාමලාත් ආවා ඉල්ලගෙන

තාත්තාට කුලී ලැබුනම
සීවලී රූපෙත් එළියයි එදාට
සීවලී රූපයේ බලයෙන්
කුස පිරෙනවා හැමෝගෙම

තාත්තා ඔත්පල වූ දින සිට
වේලක් ලැබෙන්නෙත් ඉඳහිට
දූවිලි බැඳුනු සීවලී රූපය
පිරිසිඳු කරන්නේ පුරුද්දට