Wednesday, September 19, 2012

අන්තිම මලක සුවඳ


එන්න 
විඳගන්න
අන්තිම මලක සුවඳ

මහා සුළඟකට හසුවී
ගිලිහී වැටුන අන් හැම මලම
අන්තිම වරට දුටු 
ජීවත්ව සිටිනා එකම මල

වැඩි කාලයක් නොමැත
නොපෙනේද අර එන කුණාටුව
ප්‍රමාදය සැමදාම
හේතුවේ පසුතැවිල්ලට

ඉතිරිවේ මහා හිස්කමක්
අන්තිම මලත් වැටුනු පසු
හිස් අහස් පසුබිමේ
අග හිස් අතු ඉති පමණක්

ඉතින් කුණාටුවට පෙරාතුව
එන්න විඳ ගන්න 
මේ අන්තිම මලේ සුවඳ
ප්‍රමාදය සැමදාම හේතුවේ පසුතැවිල්ලට